《意大利冧女教學》

其實意大利男人通常好講浪漫，亦會絞盡腦汁諗吓點樣冧女咁。有...

《意大利冧女教學》

其實意大利男人通常好講浪漫，亦會絞盡腦汁諗吓點樣冧女咁。有意佬講述意大利國綷，我梗係樹起耳仔聽，喺呢度分享俾我嘅朋友仔啦！

香港飛鵝山係晚間情侶活動勝地，而成個意大利周圍都係山，總有一個喺左近，你都咪話真係幾方便嫁！

當情侶喺車廂而姨而姨嘅時候，男方突然發現嗰朝早食咗嘅 Frittata (加咗洋蔥嘅意大利煎蛋)係時候要發功，要緊急放屁！🤭情到濃時，大佬俾在我都要死忍啦係咪呀？

喺情侶們呢個行氣活血嘅運動期間，正所謂氣聚丹田😤啲氣聚得太低會咇咗出嚟，過份忍氣又真係會谷壞腦㗎噃！

有見及此，有意大利溝女學者教路，遇到以上情況，首先要保持鎮定，留意車窗是否因大量熱身運動而形成霧化玻璃，就算未達霧化效果都可用口霞啲氣落車窗上。然後用手指尖用力卒落塊充滿水氣嘅玻璃度，寫" Ti amo " (我愛你)，卒嘅同時要配合放氣嘅節奏： eee ee eiiii i yiiii ......於是乎，喺神不知女不覺嘅情況下，男士就可以安心放屁嘞！🤣

呢招真係男用又得，女用又得，掂！

我同意佬都老夫老妻喇，呢啲教學我哋就用唔著🤭兼且跳親上車，都 "頭搖又尾擺" 咁喺羅馬公路上飄移，趕去做平日做唔到嘅admin文件嘢。

不過哥你揸個車啫，個樣都chok到成個未來戰士咁，就算你放沼氣我都唔敢出聲啦係咪啊？🙈

#FrittataEffect
#意大利團綷
#嫁到意大利
#先知放屁原來都咁有學問
#屁聚丹田
#香港清熱酷應該好賣得
#有得諗

---